Nangin madinlag-on ang proyekto sang 4th Year IT Students sa Collegio San Augustine Bacolod nga isa ka traffic program para makabulig sa problema sang trapiko.
Sa interview sang Bombo Radyo kay Adrian Faiz Villena, bangod nga nanamian ini sa computer vision, nagdesisyon ini kaupod ang iya grupo nga magdihon sang isa ka computer program nga makakita sang aktwal kag ila napaminsaran ang trapiko.
Suno diri, kun sa dalanon, may yara sang traffic lights kag ang isa ka lane may yara sang madamo nga salakyan samtang ang pihak naman may madutay, ang oras nga ginahatag para sa ila para makalabay ang parehas lamang, apang sa system nga gindihon sang grupo ni Villena, ini makadetect kun pila ka salakyan ang yara sa lane kag ini mahatagn sang nagakaigo lamang nga oras nga makalabay nga ini indi na usik sang oras sa iban.
Mahimo man sini ma-deetct ang nagkalain-lain nga klase sang salakyan, motor man ukon tricycle.
Nagdangat naman sa kapin isa ka School Year ang tiyempo nga ginhatag nila agud matapos ang ila proyekto.
Ila naman ini na presenta kaupod ang Department Of Information And Communications Technology sa nanari-sari nga mga events.
