5.2 magnitude nga linog, nagtay-og sa banwa sang Hinoba-an, Negros Occidental subong nga hapon.

Gintay-og ang banwa sang Hinoba-an, Negros Occidental sang magnitude 5.2 nga linog takna las-3:37 subong nga hapon sang Martes, Disyembre 17.

Suno sa PHIVOLCS, ini ang may kadalumon nga 18 km kag tectonic in origin.Nabatyagan man ini sa Iloilo, Guimaras, Negros Occidental, Negros Oriental kag Antique.

Ginreport ang Intensity III sa San Jose de Buenavista, Antique.

Posible nga may yara sang aftershocks kag kahalitan sa nasambit nga linog apang wala sang lauman nga tsunami.

Wala pa sang ginpagwa nga report kun makaapekto ang linog sa aktibidad sang Bulkan Kanlaon.