Nabatyagan ang pagtay-og sang 5.2 magnitude nga linog sa Sipalay City, Negros Occidental.
Ang sentro sang linog ang narecord alas-8:33 kaina sang aga sa 48km sa naamihan sang ciudad sang Siipalay, tectonic in origin kag may kadalumon nga 10 km.
Narecord ang Intensity 2 sa La Carlota City, Negros Occidental; Iloilo City; Anini’y, Antique kag Argao City, Cebu.
Intensity 1 naman sa Nueva Valencia, Guimaras; Passi City, Iloilo; Roxs City, Capiz; Culasi kag San Jose, Antique.
Ang pagtay-og ang nabatyagan man sang makadali sa Bacolod City kag pila ka mga ciudad kag banwa sa Negros Occidental.
Sa interview sang Bombo Radyo Bacolod kay Philippine Institute of Volcanology and Seismology (PHIVOLCS) Director Teresito Bacolcol, indi gid tuman ka baskog ang linog kag apisar nga ang sentro ang yara sa Negros Trench, wala sang dapat kahangaw-an nga tsunami.
Suno diri, ang magnitude sang linog nga sarang makatrigger sang tsunami ang nagadangat na sa magnitude 7.
Panugyan sini nga dapat magpartisipar sa mga earthquake drills agud mafamiliarize na ang mga dapat himuon inkaso may magluntad nga mabaskog nga linog.
Pahanumdom sini ang pagsunod sa duck, cover and hold sa tion sang linog samtang obserbahan naman ang shake, drop and roar kun yara sa baybayon.
Pahayag ni Bacolcol nga panilagan ang kabaskugon sang pagtay-og, tan-awon ang tubig sa dagat kun nagapanaog ukon nagahagong nga mahimo indikasyon sang tsunami.
Apang mas maayo nga gilayon magsaylo sa mas mataas nga lugar.
