Gintay-og sang magnitude 5.6 nga linog ang Candoni, Negros Occidental alas 3:06 kaina sang kaagahon.
Sa interview sang Bombo Radyo Bacolod kay Office of the Civil Defense – Negros Island Region Director Donato Sermeno III, yara sa 61 km ang kadalumon sang epicenter sang linog, gani ini ang indi maayo mabatyagan.
Apisar sini, may pila ka mga banwa kag ciudad nga nagreport nga nakabatyag, kaangay lamang sa Bago City nga nakabatyag sang Intensity 3 nga pagtay-og.
Nabatyagan man ang pagtay-og bisan sa pila ka mga lugar sa isla sang Panay.
Suno kay Sermeno, nagahulat pa ini sang reports gikan sa mga local government units kun may-ara sang narecord nga kahalitan ang pagtay-og.
Pahayag sini nga makadali lamang ang pagtay-og kag ini ang tectonic in origin.
Wala paman matumod kun ini ang konektado sa Negros Trench, apang ginalantaw ni Sermeno nga ini ang wala sang koneksyon bangod malayo ang epicenter.
Wala man sang gindagdag nga tsunami warnings, apang pahanumdom ni Sermeno nga lauman ang mga aftershocks.
