BACOLOD CITY — Malapit 5.8 million tourist arrivals ang target sang Department of Tourism Region 6 nga malab-ot subong nga tuig 2018.
Sa exclusive interview sang Bombo Radyo, ginpahayag ni DOT Region 6 Director Atty. Helen Catalbas nga 5.75 million ka mga turista ang target nga makabisita sa Western Visayas subong nga tuig.
Kumpyansa man si Catalbas nga malab-ot ang 5.5 million tourist arrivals sa tuig 2017 sa tion nga makumpleto na ang report sa iya opisina.
Sang Biyernes, 70 porsyento pa lang sang report ang natipon sang DOT Region 6 kag nagdangat na sa masobra apat ka milyon nga mga turista ang narekord nga nagsulod sa rehiyon.
Masobra isa ka milyon sa mga ini suno kay Catalbas ang foreign nationals.
Bangud sini, nakaamot sang Region 6 sang 1.1 foreign tourist arrivals sa kabug-usan nga 6.4 million nga nagbisita sa Pilipinas sang nagligad nga tuig.
7 million kuntani ang target sang bilog nga DOT apang wala ini nalab-ot.
