Anom ka mga balay ang nahalitan sang sunog nga nagluntad sa Purok Kagaykay, Brgy. 2, Bacolod City, kaina sang kaagahon.
Santo sa imbestigasyon sang Bacolod City Fire Station, nagsugod ang kalayo sa balay ni Magdalena Pigo Patio ca alas-2:45 sang kaagahon kag nagdangat sa second alarm.
Nadeklarar naman nga fire out na ang sunog alas-3:23 sang kaagahon.
Suno sa Bacolod City Fire Station, lima ka balay ang totally burned kag isa ang partially burned kag P300, 000 ang ginabanta nga balor sang halit nga ginbilin sang sunog apang ginapasalamatan naman bangud wala sang casualty bisan kaagahon nagluntad.
Anom naman ka mga pamilya ang nahalitan sang sunog.
Nag-agom sang sang minor burns sa magtimbang nga butkon si Magdalena Pigo Patioca, 47 yrs old; kag napilasan sa agtang si Romeo Buenconcejo, 53 yrs old, matapos makabunggo.
Sa interview sang Bombo Radyo kay Punong Barangay Emelda Banguanga, human sa light materials ang mga balay gani madasig ang paglaton sang kalayo.
Gilayon man nga naghatag sang ayuda sa mga pamilya ang barangay apang nagpanawagan si Banguanga sang dugang nga donasyon kaangay sang bayo bangud dako ang bulig sini sa mga fire survivors.
Sa karon, si Patioca nga napaso sa butkon ang ginabulong pa sa ospital.
Suno sa punong barangay, may grills ang balay nanday Patioca gani nabudlayan ini maggwa gani nalab-ot ang iya butkon.
