Ginpaidalum sa Alert Level 1 status sa COVID-19 ang lima ka mga banwa kag ciudad sa Negros Occidental samtang magapabilin naman sa Alert Level 1 ang Bacolod City humalin Abril 1 tubtob Abril 15, 2022.
Kahapon, gin-anunsyar sang National Inter-Agency Task Force (NIATF) nga igapaidalum sa Alert Level 1 ang banwa sang EB Magalona, Pulupandan, San Enrique kasubong man ang La Carlota kag Sagay City sa Negros Occidental samtang magapabilin naman sa Alert Level 2 ang nabilin nga mga local government units sa probinsya.
Kagab-i, nagpagwa sang Executive Order No. 22-13, Series of 2022 si Governor Eugenio Jose “Bong” Lacson nga naga-extend sang Alert Level 2 status sang probinsya tubtob Abril 15, 2022.
Kahapon, gin-anunsyar ni Presidential spokesman Secretary Martin Andanara nga magluwas sa Metro Manila, magapabilin man sa Alert Level 1 ang Abra, Apayao, Kalinga, Baguio City, Ilocos Norte, Ilocos Sur, La Union, Pangasinan, Dagupan City, Batanes, Cagayan, Isabela, City of Santiago, Quirino, Aurora, Bataan, Bulacan, Nueva Ecija, Pampanga, Angeles City, Tarlac, Zambales, Olongapo City; Cavite, Laguna, Batangas, Rizal, Lucena City; Oriental Mindoro, Marinduque, Romblon, Puerto Princesa City, Albay, Catanduanes, Naga City, Aklan, Guimaras, Capiz, Bacolod City, Iloilo City, Siquijor, Cebu City, Lapu-Lapu City, Mandaue City, Biliran, Ormoc City, Tacloban City, Zamboanga City, Camiguin, Bukidnon, Iligan City, Cagayan de Oro City, Davao City, Surigao del Sur, Surigao City, kag Butuan City.
Sa Region 6, ginpaidalum man ang pila ka mga ciudad kag munisipalidad sa Alert Level 1 nagikan sa Alert Level 2 status.
Sa Antinque, ginpanubo ang alert level sang San Jose kag Sebaste.
Sa Iloilo, Alert Level 1 naman sumugod subong nga adlaw ang Anilao, Balasan, Banate, Barotac Nuevo, Barotac Viejo, Bingawan, Concepcion, Dueñas, Guimbal, Janiuay, Lemery, Mina, Pototan, San Dioniso kag Santa Barbara.
Samtang sa Negros Occidental, Alert Level 2 naman EB Magalona, La Carlota City, Pulupandan, Sagay City kag San Enrique.
Madumduman nga ginduso sang Negros Occidental ang proposal sa Provincial Health Board nga ginpalab-ot naman sa Office of Health Department sa Region 6 nga himuon nalang nga sa kada banwa ukon syudad ang pagtalana sang COVID Alert Level.
Sang damlag lang, nag-aprubar na ang National Inter-Agency Task Force (IATF) sa paghatag sang kaugalingon nga Alert Level sa mga banwa kag syudad.
Ini bangud indi patas para sa mga LGU nga nagtrabaho kag nagtinguha nga makapakita sang maayo nga resulta kun sila ang ipaidalum man sa Alert Level 2 apisar nga pang Alert Level 1 na ang ila sitwasyon.
Sa Negros Occidental, ang mga may pinakamataas nga porsyento sa pagbakuna amo ang La Carlota City nag yara na sa 85 porsyento kag ginsundan sang banwa sang Pulupandan nga yara na sa 82 porsyento.
