Desidido ang pamilya sang lima ka menor de edad nga gin-alegar ginmolestya sang isa ka Indian National sa isa ka resort sa ciudad sang Talisay, Negros Occidental, kahapon, kapin alas- 4:30 sang hapon.
Sa interview sang Bombo Radyo sa amay sang isa ka biktima, nagapaligo ang bata sini kaupod ang apat ka iban pa samtang yara man ang tatlo ka Indiano.
Sa tatlo ka Indiano, isa lang diri ang suspek sa pagpangmolestya sa mga biktima nga naga-edad sang 13 tubtob 16 anyos.
Nanugid ang isa ka biktima sa iya amay nga gilayon nagpahibalo sa guard sang resort.
Ginkordon ang resort agud indi makapalagyo ang suspek nga nadakpan man sang gilayon.
Gintawagan ang Talisay City Police Station nga amo nagkuha sa Indiano.
Sa karun yara na sa kustodiya sang kapulisan ang suspetsado samtang ginaproseso na ang kaso nga ipasaka batok sa iya.
