Natigayon nga madismantle ang ginakabig drug den sa Brgy 27, Bacolod City sang Oktubre 17.
Ang joint operation ang ginpangunahan sang Philippine Drug Enforcement Agency – Negros Island Region (PDEA-NIR), kaupod ang Negros Occidental Police Provincial Office, Philippine Coast Guard Northern Negros, kag Bacolod Police Station 4.
Kun sa diin lima ang nagkaladakpan nga ginalakipan sang apat ka lalaki kag isa ka babayi.
Ang subject sa drug buybust operation amo ang nagaisahanon nga babayi nga si Alyas Cha-Cha, 29 anyos, residente sa lugar.
Samtang naaresto man kaupod sini sanday Alyas George, 47 anyos, residente sang Brgy 22; Alyas Gino, 36 anyos sang Brgy Taculing; Alyas Jessie, 34 anyos sang Brgy Alijis; kag Alyas Sebastian, 47 anyos sang Brgy Taculing.
Nakuha sa ila ang 11.51 grams sang shabu, nga may standard drug price nga P78,268.
Sila ang mangatubang sang kaso sa paglapas sa Republic Act 9165 ukon Comprehensive Dangerous Drugs Act of 2002.
