Isa na lamang ka proyekto sang Legacy Construction Corporation ang on going sa karun sa coudad sang Bacolod.
Madumduman nga ginpagwa sa publiko ni President Ferdinand Marcos Jr ang 15 ka mga contractors nga gin-awardan sang 20 percent sang kabug-usan nga P545.64 billion flood control projects.
Nalakip sa 15 ka contrators ang Legacy Construction Corporation nga may proyekto sa ciudad sang Bacolod.
Ang mga proyekto ang ginalakipan sang construction sang Legislative Building, project design kag construction sang Bacolod City General Hospital, kag construction sang Revetment with Floodwall sa Loygoy creek.
Suno kay Bacolod City Lone District Congressman Alfredo “Albee” Benitez, lima ang proyekto sang Legacy Construction Corporation nga natapos na kag isa na lamang ang on going sa karun.
Suno diri ang LCC isa ka homegrown contractor sa ciudad sang Victorias.
May ginpatigayon nga meeting ang Department of Public Works and Highways kaupod ang tanan nga district engineers kag regional director sang DPWH- Negros Island Region agud i-assess ang tanan nga proyekto humalin sang 2022 tubtob 2025.
