Nasapwan nga yara na sa advance stage of decomposition ang bangkay sang isa ka lalaki sa Sitio Luyang, Brgy. Oringao ciudad sang Kabankalan kahapon sang aga.
Ginkilala ang biktima kay Jennifer Binggaan, 50 anyos, single kag residente man sang Sitio Luyang, Brgy. Oringao ciudad sang Kabankalan.
Sa interview sang Bombo Radyo kay Police Captain Sammy Gasataya, Deputy Chief of Police sang Kabankalan City Police Station, nagpamalibad na ang himata sang biktima nga ipaidalom ini sa autopsy bangud nga nakahibalo na ang mga ini kun ano ang gintunaan sang kamatayon sang biktima.
Ini bangud nakita man sang imbestigador nga nabali ang duha ka kamot ni Binggaan kag may yara sang pilas sa atubang kag likod nga bahin sang liog sang biktima.
Sa karun nagapadayon pa ang imbestigasyon sang Kabankalan City Police Station agud matumod ang rason sang kamatayon sang biktima kag ang motibo sa pagpatay diri.
