Patay ang isa ka tiyo matapos ginlabo sang kaugalingon nga hinablos sa Purok Balatong, Barangay Gil Montilla, Sipalay City, Negros Occidental kahapon sang kaagahon, Agosto 3.
Ginkilala ang biktima kay alias Rex, 50 anyos, Filipino, single kag therapist samtang ang suspek ang ginkilala kay alias “Orlando”, 37 anyos, Filipino, male, single, kag mangunguma.
Sa imbestigasyon sang Sipalay City Police Station, suno sa panaysayon sang amay sang biktima, nagapungko si Rex sa sulod sang ila puluy-an sang hinali nga nagsulod ang suspek nga nakainom sang makahulubog nga ilimnon kag ginkompronta sa pagpati nga makapila ka beses nga gin-abusuhan sang natungdan ang iloy sini.
Matapos sang komprontasyon nagwa si Orlando sa balay ni Rex kag sang pagbalik sini may dala na siya sang binangon kag wala sang madamo nga estorya ginlabo niya ang biktima nga nakaangkon sang pilas sa nawala nga bahin sang liog.
Gindala sa ospital ang biktima apang gindeklarar nga dead on arrival.Sa karun nagapatigayon sang hot pursuit operation ang Sipalay City Police Station para sa posible nga pag-aresto sa suspetsado.
