50 ka mga army personnel sang isa ka elite unit ang gin-augment sa Negros Oriental agud mabalik ang peace and order sa probinsya.
Suno kay Armed Forces of the Philippines Chief of Staff General Andres Centino, ang dugang nga 50 ka mga suldado ang kabahin sang isa ka light reaction company, isa ka unit sang mga suldado nga may special training sa counterterrorism operations kag nagikan sa Cotabato.
Suno kay Centino, ini ang dugang sa duha ka mga brigades nga nakabase na sa area kag mangin kabahin sang isa ka joint task force nga gintukod agud mapasanyog pa ang joint operation sang kapulisan kag militar.
Ang nasambit nga task force ang pagapangunahan ni Brigadier General Marion Sison, commander sang 3rd Infantry Division kag iga-assist ini sang duha ka mga brigade commanders nga sanday Brigadier General Leonardo Peña kag Colonel Orlando Edralin.
Suno sa iya, magapadayon ang ila coordination sa Philippine National Police agud masiguro ang kalinong kag kahilwayan sa Negros Oriental.
