Indi magnubo sa 51 ka mga persona ang nagkalamatay kag 20 ang pilason matapos ang isa ka gas explosion sa isa ka coal mine sa probinsya sang South Khorasan sa Iran.
Ang aksidente ang gintuga sang isa methane gas explosion sa block B kag block C sang nasambit nga minahan nga ginamanage sang Madanjoo company.
Suno kay South Khorasan governor Ali Akbar Rahimi, 76 porsyento sang coal sang pungsod ang ginahatag nagikan sa rehiyon kag kapin walo tubtob napulo ka dalagko nga mga kumpaniya ang nagatrabaho sa region lakip na ang Madanjoo company.
Natapos na ang rescue operation sa block B kag sa 47 ka mga workers nga yara sa nasambit nga bloke, 30 ang nagkalamatay kag 17 ang pilason.
Nagsugod naman ang rescue operation sa block C nga ginalantaw magadugay sang tatlo tubtob apat ka oras.
May yara sang 69 ka mga trabahante sa bloke sang natabo ang pagsigabong.
