Nangin madinalag-on ang ginpatigayon nga selebrasyon sang 3rd Infantry (Spearhead) Division sang Philippine Army sang ila 51st founding anniversary.
Sa interview sang Bombo Radyo Bacolod kay 3rd ID public affairs office chief Col. Erwin Rommel Lamzon, ang tema sa karun nga anibersaryo amo ang “Matatag ng Kaagapay ng mga Mamamayan sa Kanlunran, Gitnang Visayas ay Negros Island para sa Bagong Pilipinas.
Suno diri, madamo sila sang activities kaangay sang sportsfest, funrun, team building, caravan, bloodletting kag iban pa.
Suno pa diri, nangin kabahin na ang 3rd ID sa paghatag sang serbisyo ini lamang sa Visayas apang kasubong man sa Luzon kag Mindanao.
Padayon man ang ila pagpakigbato sa mga makawala nga grupo para mapabilin ang kalinong sa pungsod.
