Patay ang isa ka babayi nga mangunguma matapos naigo sang kilat sa Hacienda Casal-agan Viejo, Barangay Don Salvador Benedicto banwa sang Pontevedra, Negros Occidental sang Enero 4.
Ginkilala ang biktima kay Trinidad Baliguat, 57-anyos kag residente sa nasambit nga lugar.
Sa interview sang Bombo Radyo Bacolod kay Police Captain Darryl Kuhutan, hepe sang Pontevedra Municipal Police Station, late reported ang insidente kag ang biktima ang dead on arrival sang gindala sa malapit nga ospital.
Suno kay Kuhutan, nahibaluan lamang nga naiguan na sang kilat ang 57 anyos nga biktima sang ginpangita na sang iya hinablos nga si Cynthia Canoy.
Indi man madamol ang ulan sang Sabado sang gab-i apang mabaskog ang kilat.
Natabuan nga nagaubra sa kampo sang tubo ang biktima sang natabo ang pagpangilat kun sa diin ini ang naigo.
Ginhingagaw pa kuntani dala si Baliguat sang iya mga kaupdanan sa ospital apang gindeklarar nga dead on arrival.
