52 ka dugang nga mga kaso sang coronavirus disease ang narekord sa probinsya sang Negros Occidental kahapon samtang 18 sa Bacolod City.
Sa COVID-19 Regional Case Bulletin No. 246 nga ginpagwa sang Department of Health Western Visayas, nadugangan sang 112 ka mga kaso ang Region 6.
Sa nasambit nga numero, 52 diri ang nagikan sa Negros Occidental;18 sa Bacolod City; pito sa Iloilo City; 21 sa Iloilo kag napulo sa Capiz.
Bangud diri, nagdangat na sa 19,543 ang kabug-usan nga kaso sang coronavirus sa Western Visayas kun sa diin 1,750 ang aktibo.
Nadugangan man sang 106 ang mga nag-alayo sa balatian gani yara na sa 17,240 ang kabug-usan nga recoveries.
Nagapabilin sa 553 ang death toll matapos wala sang narekord dugang sa mga nagtaliwan bangud sa virus.
Sa karun, yara na sa 5,362 ang kabug-usan nga kaso sang COVID-19 sa Bacolod kun sa diin 285 ang aktibo; 4,915 ang nag-alayo; kag nagapabilin sa 162 angfatalities.
Samtang, nagdangat na sa 5,587 ang kaso sa Negros Occidental kun sa diin 870 ang active cases; 4, 592 ang recoveries; kag nagdangat sa 125 ang nagtaliwan bangud sa balatian.
