Patay ang 53-anyos nga backhoe operator matapos gintiro sang riding in tandem sa atubangan mismo sang iya siyam ka tuig nga bata sa Banilad 1, Barangay Nanca, banwa sang EB Magalona sang Agosto 29, pasado alas-10:00 sang gab-i.
Ginkilala ang biktima nga si Lino Santillan Jr., 53-anyos, residente sa nasambit nga lugar.
Sa interview sang Bombo Radyo Bacolod kay Police Master Sergeant Melchor Salido, Investigator on case sang EB Magalona Municipal Police Station, ginpahayag sini nga ginsundan sang armado nga riding-in-tandem ang motorsiklo nga ginamaneho ni Santillan angkas ang bata sini kag gintiro ang biktima sa iya guya kag ulo.
Dead on the spot ang biktima.
Narekober naman sa crime scene ang isa ka Suzuki smash nga motorsiklo kag isa ka fired bullet.
