Padayon nga ginadapatan sang nagakaigo nga pagbulong ang isa ka lalaki nga nakaagom sang madamo nga samad matapos nga ginsungay sang kaugalingon nga karabaw sa Purok Valero, Barangay Ma-ao, Bago City, Negros Occidental.
Ginkilala ang biktima kay Danilo Baleros, 53 anyos kag residente sa nasambit nga lugar.
Sa interview sang Bombo Radyo Bacolod kay Jom Somcio, Officer-in-Charge sang Ma-ao Volunteers Rescue Unit (MAVRU), gilayon sila nagresponde kag gindapatan sang first aid si Baleros matapos nga ini ang makaagom sang madamo nga samad.
Suno kay Somcio, magluwas sa madamo sang samad, madalum man ang mga naangkon nga pilas sang tag-iya sang karbaw.
Ginpahayag nga ilawig kuntani sang tag-iya kahapon sang aga ang karbaw apang ini ang hinali lang nga nagbaris kag siya ang ginsungay.
Ginalantaw nga mahimo nagasuksok sang pula nga panapton ang biktima kag bangud mainit ini sa mata sang karbaw ilabi na nga toro ini, gani ginsungay ang biktima.
Samtang, ginpahayag sang hinablos ni Baleros nga nagsungayay ang karbaw sang iya tiyo kag sang isa pa ka karbaw.
Ginwahig ni Baleros ang karbaw sini gani siya ang nasungayan.
