55 anyos nga lalaki sa Bacolod City, nakuhaan sang masobra sa P5 million nga balor sang suspected shabu

Nagdangat sa masobra P5 million nga balor sang suspected shabu ang narecover sa isa ka 55 anyos nga lalaki matapos maaresto sa ginpatigayon nga drug buybust operation sang Bacolod Police Station 2 sa Prk. Narra BayBay, Brgy. 8, Bacolod City.

Ginkilala ini kay Rico Abay, 55 anyos, wala sang trabaho, high value individual kag residente sang nasambit nga lugar. Narekober kay Abay ang siyam ka bulto sang suspected shabu nga nagabug-at sang 800 grams kag nagabalor sang Php5,440,000.

Si Abay ang nakahunong sa karun sa custodial facility sang Pilice Station 2 kag magapangatubang sang kaso nga paglapas sa section 5 kag 11 sang RA 9165 ukon Comprehensive Dangerous Drugs Act of 2002.