Dead on the spot ang 56 anyos nga babayi matapos nga malapakan sang truck sa Hda Christina, Brgy 21, ciudad sang Victorias, kahapon, alas- 11:25 sang udto.
Sa interview sang Bombo Radyo kay Police Major Joy Ellaga, Deputy Chief of Police sang Victorias City Police Station, ginamaneho sang pastor nga si Silvestre Resolis, 61 anyos, ang tricycle gikan sa banwa sang Manapla padulong sa ciudad sang Victorias sakay ang lima ka miyembro sang ila simbahan.
Suno kay Ellaga, naalang-alang sa pagliko sa kurbada nga area ang tricycle, kag ini naglapaw sa pihak nga lane kag nasugata sini ang Isuzu truck.
Bangod sa makusog nga impact nagtabog ang biktima nga si Lanlie Mahinay, nga isa sa nakasakay sa tricycle.
Ini nagtupa sa ulihi nga goma sang truck kag nalapakan.
Dead on the spot si Mahinay, samtang pilason naman ang iban nga biktima.
Sa karun, may yara na sang settlement sa tunga sang drayber sang truck kag sa mga biktima nga sakay sa tricycle.
