Arestado ang 56 anyos nga babayi nga ginakabig nga High Value Individual sa ginpatigayon nga Drug Buy Bust Operation sang Bacolod City Drug Enforcement Unit, sang Pebrero 10.
Ang suspetsado ang ginkilala nga si Maria Faith Equibal, wala sang trabaho kag residente sang Purok Sigay, Brgy 2, ciudad sang Bacolod.
Sa interview sang Bombo Radyo Bacolod kay Police Captain Joven Mogato, pinuno sa Bacolod City Drug Enforcement Unit, tatlo ka seman nila nga ginmonitor ang susptesado antes natigayon ang operation.
Suno diri, maya yara ini sang duha ka kabataan, babayi kag lalaki nga preso sa karun.
Ang babayi ang kapin sa 10 ka tuig na nga preso sa bilibid samtang ang lalaki naman ang kapin sa tatlo ka tuig na nga preso sa Handumanan- BJMP.
Suno kay Mogato si Equibal, ang nagaserbe bilang kabayo ukon runner sang isa ka drug group.
Nakumpiskar sa suspetsado ang kapin sa 312 ka gramo sang suspected shabu nga ginabanta nagabalor sang P2,121,600.
