Nalumos ang 51-anyos nga manugpangisda sa baybayon sa Purok Badlon, Barangay Central Tabao, Valladolid, Negros Occidental sang Miyerkules, alas- 9: 20 sang aga.
Ginkilala ang biktima nga si Joy Torremoro, residente sang nasambit nga lugar.
Sa interview sang Bombo Radyo kay PLt Celso Omega, deputy chief of police sang Valladolid Municipal Police Station, nanugid pa si Torremoro sa iya hinablos nga nagalain ang iya pamatyag apang naligo ini sa gihapon sa baybay.
Suno diri makalipas ang 20 ka minutos nakit-an na lamang ang bangkay ni Torremoro nga naga-utaw utaw.
Suno kay Omega, indi gid man madalom ang area kun diin naligo ang biktima.
Ginhingagaw pa dala sa Valladolid District Hospital si Torremoro apang gindeklarar nga patay alas- 10:15 sang aga.
