Nagdangat sa 56,000 nga estudyante ang nagshift sa Alternative Delivery Mode sa idalom sang Department of Education Division of Negros Occidental matapos magdangat sa 41 degrees Celsius ang forecasted Heat Index sa Negros Occidental.
Sa interview sang Bombo Radyo Bacolod kay DepEd Negros Occidental Spokesperson Ian Arnold Arnaez, ang mga ini ang gikan sa 11 ka DepEd Districts nga ginalakipan sang banwa sang Candoni (All Levels), EB Magalona (All Levels), Hinigaran (All Levels), Ilog (All Levels), Moises Padilla (All Levels), Pulupandan (All Levels), San Enrique (All Levels), Cauayan (Selected Area), Calatrava (Selected Area), La Castellana (Selected Area), kag Valladolid (Selected Area).
Suno kay Arnaez, iban sa mga eskwelahan ang nagdesisyon nga sa udto nalang magasuspend sang face-to-face classes.
Pasalig niya nga sa pagpatigayon sang Alternative Delivery Mode may-ara sang emergency learning kits nga ginapadala sa mga estudyante nga nakasulod sa klase sang aga.
Luwas sa DepEd Negros Occidental, suspendido man ang face-to-face classes sa iban nga mga DepEd Division kaangay sa DepEd Hamamaylan City, DepEd Kabankalan City, kag pila ka mga eskwelahan sa DepEd Silay City.
