Gindeklarar nga dead on arrival sa Murcia Health Unit ang biktima nga gintiro sa Purok Paghida-et, Barangay Minoyan, Murcia, Negros Occidental sang Sabado, Setyembre 28.
Ang biktima ang ginkilala nga si Jerry Francisco, 57-anyos, may ka mga kabataan, kag residente sa nasambit nga lugar.
Sa inisyal nga imbestigasyon sang mga kapulisan sa banwa sang Murcia, nga malantaw kuntani ang biktima sang TV matapos magpangape apang hinali lamang nga nagsulod ang suspek dala ang wala mahibaluan nga armas-luthang kag gintiro ang biktima sang makaduha ka beses.
Gilayon man nga nagpalagyo ang suspect sa wala mahibaluan nga direction.
Nakaangkon sang samad ang biktima sa nawala nga bahin sang liog kag gilayon nga gindala sa Murcia Health Unit apang wala na matabangan pa.
Nagpatigayon man ang Murcia Municipal Police Station sang drag net kag check point operations agud madakpan ang natumod nga suspek sang krimen.
Nagcoordinate naman ang nasambit nga police stations sa kaiping nga banwa kag ciudad matapos nga makapalagyo ini.
