57 ka mga Badjao nga ginpabalik sang Iloilo City government sa Bacolod sang Sabado ang madugay na nga daan nagaistar sa Iloilo.
Sang Miyerkules, 80 ka mga Badjao ang nagbyahe padulong sa Iloilo bangud didto sila magasakay sa barko papauli sa Mindanao apang 72 lang ang ginpabalik sang Iloilo sa Bacolod sang Sabado nga amo man ang ginpapauli sang ciudad sa Mindanao kagab-i.
Suno kay Sally Abelarde, officer-in-charge sang Department of Social Services and Development, 15 ka indibidwal ukon apat ka pamilya lang nagikan sa 80 ang nakabalik sa Bacolod, samtang 57 sa ila ang madugay na nagaistar sa Iloilo gani may yara na sang ID.
Suno kay Abelarde, nagligad nga semana, nagsapol ang Anti-Mendicancy Task Force kag nakasugtan nga papaulion ang mga Badjao.
Apang pagkasunod nga adlaw, nakatipon ang task force sang 80 ka mga Badjao gani gilayon nga ginprocess ang pagpapauli sa ila.
Sang sila ang ginpamangkot kun diin maagi, ila ginpahayag nga sa Iloilo maagi bangud mas malapit ang byahe gani gin-assist ang mga ini nga makapadulong sa Iloilo.
Suno kay Abelarde, mahimo nga naoverwhelm ang mga staff gani ginpaidalom sila sa reorientation agud maremind sa patakaran.
Suno sa iya, may ginhouse naman subong ang Bacolod Police Station 9 nga 23 ka Badjao apang indi man sila mahold sang madugay bangud wala sila sang nahimo nga krimen.
