Patay ang 58 anyos nga babayi matapos nga malapakan sang panel van sa bahin sang National Highway, Barangay Tigbao, Calatrava, Negros Occidental kahapon sang aga.
Ginkilala ang biktima nga si Wilma Mangubat, 58 anyos kasado kag residente sang Purok Talisay, Brgy. Pinocutan, Calatrava samtang ang mga suspetsado amo sanday Jorgie Paunon y Pinganon, 35 anyos kasado kag residente sang New Era Street Brgy 4, San Carlos City, Negros Occidental kag Ramer Francisco, 59 anyos kasado kag residente sang Maaswa, Brgy. General Luna, Toboso.
Sa interview sang Bombo Radyo Bacolod kay Police Captain Jesus Alba, hepe sang Calatrava Municipal Police Station, ang traysikol ang nagabiyahe halin sa Toboso padulong sa Barangay Pinocutan sang nakalab-ot sila sa kurbada nga takason sa Barangay Tigbao, nagmuno ang pasahero nga kaangay nga may problema ang tricycle bangud daw indi ini makataklad, apang nagpasalig gid ang driver nga masarangan pa ang pagtaklad.
Nagmuno ang mga pasahero nga manaog nalang apang ginpilit sang driver nga masarangan.
Nagmechanical error ang traysikol gani sa kakulba naglumpat ang 58 anyos kag didto na nalapakan sang padulong nga isuzu elf van.
Ang biktima ang dead on arrival sa ospital samtang ang tricycle driver ang nakadetain sa Calatrava Municipal Police Station.
