Patay ang 58 anyos nga babayi matapos maanod sa Sitio Bay-ang, Brgy Tabon, Vallehermoso, Negros Oriental.
Ang biktima ginkilala nga si Cristita Fuentes Gemarangan, residente sang nasambit nga lugar.
Sa interview sang Bombo Radyo kay Police Senior Master Sergeant Jomar Libongcogon, investigator on case sang Vallehermoso Municipal Police Station, ginbaha ang lugar bangod sa pag-ulan kun sa diin iban nga dalan wala na nahimo pa nga maagyan.
Suno diri, nagtabok sa sapa ang bana ni Gemarangan agud kuhaon ang ila mga kasapatan.
Nagsunod si Gemarangan nga nagtabok sa sapa apang naanod ini sa makusog nga daludo sang tubig.
Suno kay Libongcogon, mahimo nalampos ang ulo ni Gemarangan sa mga bato bangod sa pilas nga naangkon sini sa iya ulo.
Nasapwan na lamang ang bangkay ni Gemarangan sa kampo kag ini nagasuksok sang sako apang wala sang pang-idalom nga panapton.
