Ginbawian sang kabuhi ang 59 anyos nga lalaki matapos nakuryente sa Zone 5 Abada-Escay, Barangay Vista Alegre, ciudad sang Bacolod kahapon, Pebrero 7, 2025.
Sa interview sang Bombo Radyo Bacolod kay Police Captain Dax Santillan, station commander sang Bacolod Police Station 7, ginrespondehan nila ang ginreport nga may nakuryente sa nasambit nga lugar apang pag-abot sang mga kapulisan yara na ang responding team sang Barangay Vista Alegre kag ginbuligan ang biktima kag gindala sa Corazon Locsin Montelibano Memorial Regional Hospital (CLMMRH) apang gindeklarar nga dead on arrival.
Ang biktima ang residente sang Barangay Bata, Bacolod City.
Suno kay Santillan, ginpahayag nga may yara sang ginaubra sa poste kag mahimo nga may natandog nga live wire.
