598 tanan ka mga personnel sang Bureau of Fire Protection sang Negros Occidental ang ginpaidalum sa Drug Test nga ginpatigayon sa Panaad Park and Stadium sang Hunyo 5 kag 6.
Sa interview sang Bombo Radyo kay Chief Inspector Rodel Legaspi, pinuno sang Bureau of Fire Protection (BFP) – Bacolod, Hunyo 5, 305 ka mga personnel ang ginpaidalum sa drug test kag 293 naman sang Hunyo 6, ini may kabug-usan nga numero nga 598 ka mga commissioned kag non- commissioned personnel.
Suno diri may yara sang tatlo ka mga personnel nga yara sa masters list apang wala napaidalum sa drug test bangod nga naga-busong, on maternity leave kag bag-ong bata.
Pahayag ni Legaspi, ini mandatory nga ila ginapatigayon kada tuig.
Sa karun wala pa ang resulta sang test apang ginalauman sini nga wala sang magpositibo.
Mensahe sini sa mga BFP personnel nga dapat magsunod sa mga pagsulondon kag sila mangin ehemplo sa mga butang nga dapat dumilian kag dapat handa magresponde kag mag serbisyo.
