Ginkompirmar man ni Col. Inocencio Pasaporte nga ginpangunahan sang opisina ni 5th District sang Negros Occidental nga si Congresswoman Ma. Lourdes Arroyo ang paghatag sang financial assistance sa mga nasamaran nga katapo sang 94th Infantry Battalion under 303rd Infantry Brigade, Philippine Army nga ginpatigayon sa Headquarters 303rd Infantry Brigade, Camp Major Nelson L Gerona, Brgy Minoyan, Murcia, Negros Occidental kahapon.
Suno kay Pasaporte kabug-usan nga P550,000 ang natipon nagikan sa mga law makers kag opisyales sa probinsya.
Nakabaton sang P55, 000 ang kada isa sa apat ka napilasan samtang P110,000 naman ang kada isa sa tatlo ka mga nagtaliwan bangud sa engkwentro.
Ang financial assistance ang direkta nga ginhatag ni Atty Romulo Gonzaga, Chief District Officer, Office of Negros Occidental, 5th District Representative sa mga dependents sang mga casualties paagi sa presensya sini.
Madumduman nga tatlo ang napatay samtang apat ang pilason sa engkwentro sa tunga sa tropa sang gobyerno kag terorista nga NPA sadtong Abril 19, 2020 sa Brgy Carabalan, Himamaylan City, Negros Occidental.
Ang napatay ang ginkilala kanday 2nd Lieutenant Ralf Amante C Abibico, late Private First Class Carl Venice S Bustamante and late Corporal Joel C Nobleza, samtang ang napilasan naman ang ginkilala kanday Corporal John Cris M Laus, Corporal Lismer Jade J Tumayao, Private First Class John Paul M Geonzon kag Private First Class Alexis I Mepranum.
Ginpasalamatan naman ni Pasaporte ang mga kongresista sa isla sang Negros kalakip na si Governor Eugenio Jose �Bong� Lacson bangud ginalantaw sini nga ang mga opisyales ang yara sa likod sang mga ini.
