Anum ka balay ang gintupok sang kalayo sa Purok Roadside, Brgy Tangub, Bacolod City, subong nga hapon.
Sa interview sang Bombo Radyo Bacolod kay Marites Galon, isa sa mga nasunogan, nagakatulog ini sang nabatian nga nagsinggit ang iya bata nga may yara sang sunog.
Suno diri, naghingaggaw ini nga maggwa sa balay kaupod ang iya nga pamilya kag ginhingaggaw man sini kuha ang ila ido.
Apang, wala naman ini sang may nasalbar nga gamit, matapos nga malakip sa sunog ang iya nga tiyangge nga bag-o lang sini gindugangan sang stock, tatlo ka freezer, isa ka motorsiklo nga ma-impas na sini kun tani subong nga bulan kag ang kapin sa P200,000 nga kwarta nga ila nga benta kag savings sang iya bana.
Sa inisyal, anum tanan ka balay ang nasunog kag anum ka pamilya ang apektado bangod nga madasig ang paglapta sang kalayo.
Ginalantaw naman nga rason sang sunog amo ang liquefied petroleum gas (LPG).
