![](https://img.bomboradyo.com/bacolod/2019/11/beer-1.jpg)
Ginaimbestigaran na ang anom ka mga katapo sang 79th Infantry Battalion sang Philippine Army nga ginapahayag nag-maoy, nag-pangkuga kag nag-pangbunal gamit ang lamesa sa mga customer sa isa ka resto bar sa ciudad sang Cadiz kahapon sang kaagahon.
Suno kay 303rd Infantry Brigade Commander Brigadier General Benedict Arevalo, magapanabat ang mga suldado sa Military Justice System kun sila ang mapamatud-an nga nagmaoy.
Kalakip sa mga ginpriso amo sanday Army Corporal Louie Tamparing, 28-anyos kag residente sang Poblacion Tigbao Zamboanga Del sur, Private First Class John Anthony Jimenez, 24-anyos sang Tapaz Capiz, Private First Class Johnny Gallano, 24-anyos sang Brgy. Lucero Jamindan Capiz, Private First Class Mark Vargas, 25-anyos sang Brgy. Lucero Jamindan Capiz, Private First Class Jerome Danias, 25-anyos sang Cagayan De Oro City kag Private First Class Regie Rogan, 25-anyos sang Libacao, Aklan.
Kadungan sini nagpahanumdum si Arevalo sa mga suldado nga maglikaw sa pag-inum sa mga bar kag mga night club.
Ang natabo sa anom ang mangin dako nga paandam sa mga pareho nga suldado.
Sa pihak sini, nagbalibad si Arevalo nga pangunahan ang imbestigasyon.