6 ka US Service personnal, patay sa paghugpaas sang US Airforce refueling plane sa Western Iraq

Ginkumpirmar sang U.S. Central Command (CENTCOM) nga napatay ang anom ka katapo sang U.S. Service sang nag-crash ang ila ginasakyan nga KC-135 refueling aircraft sa bahin sang western Iraq sang Huwebes.

Santo sa pahayag sang CENTCOM, natabo ang insidente samtang nagalupad ang eroplano sa friendly airspace sa ginpatigayon nga Operation Epic Fury sang Marso 12.

Ginpahayag man sang CENTCOM nga padayon pa ang imbestigasyon sa rason sang insidente, kag ginpaathag nga wala ini natabo bangud sa missile attack ukon friendly fire.

Samtang, ginlaragway naman ni Secretary of War Pete Hegseth ang mga biktima bilang “American heroes.”

Sa karon, may-ara na sang kabug-usan nga 13 ka indibidwal ang napatay sa ginapatigayon nga Operation Epic Fury.