Ginapadali na ang pagpadala sang United Nations sang halos 6 million dollars ukon masobra P354 million agud buligan ang masobra 400,000 ka Filipino nga apektado sang Super Typhoon Uwan.
Ini ang natigayon sa idalum sang anticipatory action framework sang UN, duha ka minutos matapos marespondehan ang mga kondisyon.
Pagagamiton ang pondo sang lima ka mga UN agencies para magdul-ong sang pagkaon, shelter, medical services, protection kag tubig.
Suno sa UN body, tinutuyo sini nga mabuhinan ang halit sang bagyo sa tunga sang aktibo nga tion sang kalamidad sa pungsod.
Ginalauman nga madugangan pa ang reported nga damages bangud sa karun, wala pa nagtahaw ang pagbaha sa low lying areas.
Antes ini, nahalitan man ang pila ka mga lugar bangud sa Bagyo Tino.
