Anum ka mga persona ang ginreport nga nadulaan sang kabuhi bangud sa combined effects sang enhanced southwest monsoon ukon habagat kag tropical cyclones Ferdie kag Gener suno sa National Disaster Risk Reduction and Management Council sa isa ka situation report nga ginrelease sang Lunes.
Ang mga casualties, nga suno sa NDRRMC padayon pa sa karun nga ginavalidate, ang lunsay nalista sa Mindanao.
Apat ang nagkalamatau sa Bangsamoro Autonomous Region in Muslim Mindanao (BARMM) samtang duha naman sa Zamboanga Peninsula.
11 ka mga prsona ang pilason kag duha ang missing bangud sa epekto sang mga weather disturbances.
Masobra 86,000 ka pamilya ukon 337,506 ka mga persona ang apektado kun sa diin masobra 9,600 ka pamilya ang yara sa karun sa evacuation centers.
Samtang masobra 200 naman ka mga nagkalaguba nga pamalay ang ginreport kun sa diin masobra 120 ang nagikan sa Western Visayas.
