Ginpaandaman ni Department of Agriculture (DA) Secretary Francisco Tiu Laurel Jr. ang Vietnam rice industry sa pagchallenge sini sa Pilipinas sa pagsuspend sang pungsod sang rice importation sa sulod sang 60 dias kun sa diin suno kay Tiu Laurel mahimo nga untaton na lang sang Pilipinas ang pagbakal sa Vietnam.
Suno diri, ginaprotektahan lamang sang Pilipinas ang local farmers sini kag kun mamilit ang Vietnam nga ikansela ang rice importation suspension, mangita sang pamaagi ang pungsod kag indi na lang magbakal sa Vietnam.
Mahibaluan nga nagtawag ang Vietnam Food Association sa trade ministry agud ichallenge ang Pilipinas bangod ang suspension maka-apekto sa ila.
Apang, suno kay Tiu Laurel, nagpabutyag sang interest ang India nga magkuha sang share sa markert sang Vietnam.
