600 ka mga returning Negrense sakay sa duha ka inbound flights ang ginalauman nga maga-abot bwas sa Negros Occidental.
Sa interview sang Bombo Radyo Bacolod kay Dr. Zeaphard Gerhart Caelian, commander sang COVID-19 Provincial Incident Management Team, ginpahayag sini nga nagapanghanda kag nagapanghawan na sila karon sang mga quarantine facilities sa ciudad sang Silay agud nga may yara sang butangan sa mga maga-inabot nga locally stranded individuals (LSIs) nagikan sa Cebu kag Manila.
Suno kay Caelian, ila ginpangsaylo sa EB Magalona healing center ang tanan nga naka-quarantine karon sa Silay agud nga matingob ang mga ini didto.
Naka-standby naman ang mga bus sa airport agud para sa transport sang mga LSIs samtang gin-abisuhan naman ang swab team nga magpreparar para sa influx sang mga pasahero bwas.
Liwat naman nga nagpahanumdom si Caelian sa publiko nga kun indi man lang importante ang kadtuan likawan lang anay ang pag-travel bangud nga wala pa sang available nga bakuna batok sa coronavirus diri sa pungsod.
Samtang, nagdugang naman sa mga nagpatuman sang moratorium amo ang Hinigaran nga magasugod sa Disyembre 24 tubtob Enero 7 kag ang Isabela nga magasugod sa Disyembre 21 kag magatapos sa Enero 3
