Dead on the spot ang 61-anyos nga e-bike driver matapos nagbunggo sa isa ka pribado nga salakyan sa Burgos Extension, Barangay Estefania, Bacolod City.
Sa impormasyon nga nakuha sang Bombo Radyo, ginkilala ang biktima kay Romulo Durable, 61-anyos, isa ka e-bike driver kag residente sang Barangay 28, Bacolod City.
Samtang ang driver naman sang Isuzu Mu-X amu si Tristan Julius Teruel.
Ang e-bike ang nagabyahe humalin east padulong west samtang nagasugata naman diri ang Isuzu MUX.
Ginaalegar nga nagleft turn si Durable rason kun ngaa nagbunggo ini sa pribado nga salakyan nga ginamaneho ni Teruel.
Nagtabog ang senior citizen kag nagtupa sa atubang sang isa ka public utility jeepney nga ginamaneho ni Marvin Mondejar.
Bangud sa kakusog sang impact, nadulaan sang kabuhi si Durable.
Nakaangkon naman sang damage ang e-bike sini kag ang MUX.
Sa karun nakahunong si Teruel sa Bacolod Police Station 4 kag nagaistoryahanay sila sang asawa ni Durable.
