Naaresto sa ciudad ang Kabankalan ang suspek nga naghimulos kag nagpatay sa 17 anyos nga bata sa Barangay Magsaysay, Cadiz City.
Kahapon sang aga, nasapwan ang biktima nga wala na sang kabuhi, may laslas ang liog kag utid ang tudlo sa katubuhan sa Purok Masinolondon, Barangay Magsaysay, Cadiz City.
Ang suspetsado ang ginkilala nga si Federico Delfin, 62 anyos, nga amay sang stepfather sang bata.
Ulihi nga nakita nga buhi ang 17-anyos nga biktima sang Enero 7 kag wala na ini nakapauli gani nagpangayo sang bulig ang iya pamilya sa mga barangay tanod para pangitaon ang biktima.
Nakuha sa malapit sa lugar sang insidente ang isa ka tagub sang binangon nga ginapatihan gingamit sa pagpatay.
Matapos ang krimen, nalagyo ang suspek kag ini nagpadulong sa Barangay Tampalon, ciudad sang Kabankalan, kag didto nagkadto sa iya isa ka bata.
Sa interview sang Bombo Radyo kay Police Captain Gina Fernandez, Public Information Officer sang Cadiz City Police Station, naggwa sa medico legal sang 17 anyos nga may yara sang laceration sa pribado nga bahin sang bata.
Suno kay Fernandez, may yara sang witness nga nakakita sa suspek kag sa karun ang suspek ang pasakaan sang kaso nga Rape with Homicide.
