63 anyos nga tricycle driver patay matapos madulaan sang kontrol ang motorsiklo

Patay ang 63 anyos nga tricycle driver matapos madulaan sang kontrol sa ginadala nga tricycle sa Barangay Cubay, siyudad sang La Carlota.

Ang biktima ang ginkilala nga si Freddie Rivera, residente sang Sitio Kingalan, Barangay La Granja sa nasambit nga siyudad.

Suno kay Plt. Col. Lowell Garinganao, hepe sang La Carlota City Police Station, may yara sang pito ka pasahero ang tricycle nga ginadala ni Rivera sang nadulaan ini sang kontrol gani iya nga ginliso sa pihak nga bahin sang dalan ang tricycle kag gindiretso sa kampo.

Nag-agom sang minor injuries ang mga pasahero sini apang wala nakaluwas ang driver kun sa diin ini ang gindeklarar nga dead on arrival pagdangat sa ospital.

Ginapahayag nga may ara man sang history sang stroke ang biktima.