Nagdangat na sa indi magnubo 63 ka mga persona sa lima ka estado sang Estados Unidos ang nagkalamatay bangud sa Bagyo Helene, nga nagtuga sang malapad nga power outages.
Naglaslas si Helene sa Florida sang Huwebes bilang isa ka Category 4 hurricane kag nagpadulong sa north, kag amat-amat nga naghinay apang nagbilin sang pagkadula sang kuryente, nagkalautod nga mga kahoy kag nagkalaguba nga mga pamalay.
Gindeklarar ang federal emergencies sa anum ka mga estado nga ginalakipan sang Alabama, Florida, Georgia, North Carolina, South Carolina kag Tennessee kun sa diin masobra 800 ka mga personnel nagikan sa Federal Emergency Management Administration (FEMA) ang gindeploy.
Sa karun ginclassify ini bilang isa ka “post-tropical cyclone”, ang remnants sang bagyo ang ginalauman nga magpadayon sa Ohio Valley kag Appalachians.
