Patay ang isa ka 64 anyos nga lalaki matapos nga gin-alegar ginlabo sang isa ka 25-anyos nga lalaki sa Hacienda Fuentes, Barangay Mabini, Escalante City, Negros Occidental, pasado alas-otso sang gab-i, Agosto 30, 2026.
Ginkilala ang biktima kay alyas Benjo, samtang ang ginatudlo nga suspek amo si alyas “Jethro,” 25 anyos, lunsay mga residente sang nasambit nga lugar.
Sa imbestigasyon sang Escalante City Police Station- gin-alegar nga ang biktima yara sa impluwensya sang makahulubog nga ilimnon kag nagalakat pauli sang ini hinali nga gin-atake sang suspek gamit ang isa ka espading.
Nakaangkon ang biktima sang madamo nga samad sa nagkalain-lain nga bahin sang iya lawas, nga nagresulta sa iya gilayon nga kamatayon.
Samtang, ang ginatudlo nga suspek ang boluntaryo naman nga nagsungka sa mga opisyales sang barangay kag siya ang ginturn-over sa nagresponde nga mga pulis.
