35 ang nagdugang nga mga kaso sang COVID-19 sa probinsya sang Negros Occidental samtang 25 naman ang sa ciudad sang Bacolod kahapon.
Santo sa Department of Health (DOH) Region 6 COVID-19 case bulletin no. 120, 66 ang narekord nga mga bag-o nga kaso sa rehiyon.
24 ka indigenous case ang narekord sa Bacolod kag isa ka repatriated OFW ang nagpositibo.
Kalabanan naman sa 24 ka mga kaso ang himata sang panday sa Purok Mahimulaton, Barangay Banago nga nagtaliwan sang tinalikdan nga semana kag gilayon nga gin-cremate.
Samtang tatlo naman ang nagdugang nga indigenous case sa Negros Occidental kag 32 ang locally stranded individuals.
Suno sa DOH Region 6, 960 na ang kabug-usan nga kaso sang COVID-19 sa Western Visayas kag may tatlo nga attached sa iban nga rehiyon.
Sa karun, may yara sang 374 ka mga aktibo nga kaso sang COVID-19 sa Western Visayas, 570 naman ang mga nakarecover bangod sa nagdugang nga 24 samtang 16 naman ang nagtaliwan.
Sa karun, yara na sa 364 ang kabug-usan nga kaso sang COVID-19 sa Negros Occidental samtang 120 naman ang sa ciudad sang Bacolod.
May-ara naman sang narecord nga 13 ka mga nakarecover nagikan sa probinsya sang Negros Occidental.
