Ginpahayag ni Bacolod City Vice Mayor El Cid Familiaran nga nagakadapat nga magkuha sang business permit sa local government unit ang mga naga-operate sang Small Town Lottery.
Sa interview sang Bombo Radyo kay Familiaran, ginpahayag sini nga madamo nga LGU ang nagaclaim nga kinahanglan sang acceptance sa komunidad ang pag-operate sang STL gani kinahanglan nga magkuha sang business permit.
Suno sa bise-alkalde, paano makuha sang LGU ang ila nga share kun wala ini sang business permit kag kun wala nahibaluan kun pila ang income sang operator.
Suno sa iya, indi man mahibaluan kun legit ang isa ka operator kag kun diin sini ginaremit ang kwarta kun wala sang business permit.
Magluwas sa LGU, suno diri, mabudlay man ini para sa mga law enforcers.
Nagapanindugan ini nga ang STL kag lotto ang ginakonsiderarnga negosyo gani kinahanglan nga magkuha sang permit.
Dugang pa sini nga dapat nga magrespeto gid sa LGU kun diin ka naganegosyo.
