Ginkalipay ni Provincial Officer Intelligence Agent 1 Jeanette Reyes sang Philippine Drug Enforcement Agency Negros Occidental, nga nagdamo ang mga drug cleared-barangays sa Western Visayas.
Suno diri, ang probinsya sang Aklan kag Guimaras ang 100 porsyento na nga drug cleared, samtang ang probinsya naman sang Antique ang 99.66 percent cleared, Iloilo province 98.59 percent, Capiz 91.12 percent, Negros Occidental 67.89 percent kag Bacolod City nga 22.95 percent cleared.
Pahayag ni Reyes, sa Hulyo 15 may yara sang 22 ka mga barangay applicants nga igapaidalom sa drug clearing deliberation.
Samtang, magabakal naman ang siyudad sang San Carlos sang K9 dog nga ila iga-train agud mangin force multiplier.
Ginkalipay man sini nga wala sang nareport nga laboratory sang illegal nga druga sa Negros Occidental, gani ang mga druga nga yara diri ang ginakuha sa luwas sang probinsya.
Luyag sini nga hugton pa gid ang pagbantay sa mga airports, seaports kag mga borders.
