68-anyos nga mangunguma, ginitiro-patay sa Barangay Basak, Cauayan

Patay ang 68-anyos nga mangunguma matapos gintiro sang wala pa makilal-an nga persona sa Purok 7, Sitio Gabok, Barangay Basak, banwa sang Cauayan alas-12:00 kahapon sang udto.

Ginkilala ang biktima nga si alyas “Virgello”, lalaki kag residente sang nasambit nga lugar.

Sa inisyal nga impormasyon, samtang yara si Virgello sa gwa sang iya balay, hinali lang siya nga gintiro sang suspect sang makapila ka beses nga nagresulta sa iya kamatayon.

Gilayon naman nga nagpalagyo ang suspect matapos ang krimen.

Ang bangkay sang biktima ang ginpaidalom sa post-mortem examination.

Padayon pa ang imbestigasyon sang mga otoridad sa pagtumod kag pagdakop sang suspect.