Gin-anunsyar sang Department of Social Welfare and Development (DSWD) nga natigayon na nila nga mapanagtag ang bulig para sa mga pamilya nga naapektuhan sang bagyo Crising kag Southwest Monsoon ukon Habagat sa bug-os nga Pilipinas.
Suno kay DSWD Spokesperson Irene Dumlao, nabaton na sang masobra 68,000 ka mga pamilya ukon 215,000 ka mga indibidwal nagikan sa 400 ka barangay sang locos Region, MIMAROPA, Bicol Region, Eastern Visayas, Central Visayas, Zamboanga Peninsula, SOCCSKSARGEN kag CARAGA Region ang ila ginhatag nga bulig.
Base sa inisyal nga monitoring sang ahensya, pagkaon ang nagapanguna nga kinahanglanon sang mga apektado nga residente.
Una na nga ginsiling sang DSWD nga may yara sila sang nakahanda nga 3 million family food packs para sa mga nagakinahanglan.
