Patay ang 69 anyos nga pedestrian nga babayi matapos nga masamaran sang ini ang aksidente nga mabungguan sang tricycle sa Bangga Tomaro, Brgy. Sum-ag, Bacolod City kaina sang aga, Abril 13, 2026.
Ginkilala ang pedestrian kay Teresita Vidol, 69 anyos, babayi, balo kag residente sang Prk. Fatima dos, Brgy. Sum-ag, Bacolod City samtang ang driver sang Kawazaki Barako nga may sidecar amo si Antonio Salazar Jr., 64 anyos, lalaki, kasado kag residente sang SP Village, Brgy. Pahanocoy, Bacolod City.
Sa interview sang Bombo Radyo Bacolod kay Police Major Elmer Bonilla, head sang Traffic Enforcement Unit sang Bacolod City Police Office, nakabaton sila sang report nga may yara sang nagluntad nga traffic accident kaina sang aga.
Suno kay Bonilla, sa imbestigasyon, gikan sa Bangga Iglesia-Bangga Tomaro ang biktima, kag ini ang magatabok kuntani sa dalan sang siya ang nabungguan sang tricycle sa nawala nga bahin sang iya lawas.
Bangod sa impact, nag-agom sang pilas sa ulo ang tigulang, kag ini ang nalipungan.
Ang biktima ang ginhingagaw naman dala sa Bacolod South Hospital apang ginbawian sang kabuhi antes ang alas- 12:00 sang udto samtang ang driver sang tricycle ang yara sa karun sa kustodiya sang Bacolod Police Station 9.
Dugang pa sini nga may yara na sang inisyal nga pag-estoryahanay ang pamilya sang biktima kag ang driver sang tricycle.
