Nakarekord ang Department of Health – Negros Island Region sang 69 ka firecrackers related incident humalin sang Disyembre 21, 2025 tubtob Enero 1, 2026.
Suno kay DOH-NIR Assistant Regional Director Adrian Hort Ramos, nagnubo sa 40 porsyento ang firecrackers related incident kun ikumpara sa narekord sang Disyembre 2024 tubtob Enero 2025.
Santo sa ila record, ang biktima sang burn without amputation yara sa 47, samtang ang nag-agom naman sang eye injury yara sa 13 kag isa lamang ang narekord nga biktima nga ginpaidalom sa amputation nga amo ang 34 anyos nga babayi nga yara sa impluwensya sang makahulubog nga ilimnon sang nagluntad ang insidente. Suno kay Ramos kalabanan sa mga biktima ang na-injured sang palupok nga triangle, kwitis, 5 star, whistle bomb, kamara, boga kag may yara pa sang unknown firecrackers kag improvised fireworks.
